Јунајтед го начека „фенерџијата“ за најубедлива победа сезонава (ВИДЕО)

08 декември 2025 - 23:00

Манчестер Јунајтед се доближи на еден бод од местата кои водат во Лигата на шампионите откако вечерва го совлада најслабиот тим во Премиер лигата, Вулверхемптон како гостин со 4-1.
 

Тоа е највисока победа за „ѓаволите“ оваа сезона, неколку пати триумфираа со два разлика, но вечерва првпат беше подобар од својот ривал со три гола плус. Интересно е тоа што дури во второто полувреме Јунајтед избегна срам бидејќи по 45 минути игра, резултатот беше 1-1.

Резултатот го отвори Бруно Фернандеш во 25. минута со еден од најчудните голови во својата кариера. Во судиското продолжение израмни Белгард и се чинеше дека Вулверхемптон би можел да направи сензација на овој меч. Сепак, во вториот дел Мбеумо го врати Јунајтед во водство, а Маунт и потоа Фернандеш од пенал се погрижија за конечните 4-1.

Јунајтед со ова се искачи на шестата позиција на табелата со 25 бода, колку што има и петтопласираниот Челси, а еден помалку од Кристал Палас кој е на четвртата позиција. Засега далеку напред се Астон Вила, Манчестер Сити и Арсенал.

Standings provided by Sofascore