Дубаи се засили со кошаркар со големо искуство во НБА

10 септември 2024 - 11:24

Дебитантот во АБА-лигата, Дубаи се засили со летонскиот кошаркар Дејвис Бертанс кој има големо искуство во НБА-лигата.

Бертанс во преодниот рок се поврзуваше и со трансфер во Партизан, меѓутоа летонскиот кошаркар се реши за новиот проект на Дубаи.

Летонецот претходно играше за Олимпија Љубљана, Партизан, Сан Антонио спарс, Вашингтон визардс, Далас маверикс и Оклахома сити тандерс.

Дубаи веќе се засили со Немања Дангубиќ, Данило Анѓушиќ, Леон Радошевиќ, Клемен Препелиќ, а најверојатно ќе тргне по уште неколку кошаркари.