„Воините“ на Стеф Кари ја прекинаа историската серија на Феникс санс (ВИДЕО)

Тоа беше рекордна низа во историјата на „сонцата“; која, сепак, не го издржа „притисокот“ на фантастичниот Стеф Кари и неговие „воини“, кои со овој триумф се вратија на врвот од табелата во Западната конференција. Плејмејкерот средбата ја заврши со 23 поени и по пет скока и асистенции, а идентичен поентерски ефект имаше и Ајтон, кој беше најпрецизен кај Феникс.

Во Лос Анџелес се одигра градското дерби, во кое како подобри излегоа „гостите“ од таборот на ЛА Клиперс, совладувајќи го далеку попознатиот цимер Лејкерс (119-115). Маркиф Морис со 21 поен беше најпрецизен во победничкиот тим, додека на „езерџиите“ не им помогна ниту одличната партија на двоецот Леброн Џејмс-Ентони Дејвис, кои средбата ја завршија со 23 поени и 11 скока односно 27 поени и 10 скока.. Клиперси сега се шест на Западот, престигнувајќи го градскиот ривал.

РЕЗУЛТАТИ: Индијана пејсерс – Мајами хит 104-113, Вашингтон визардс – Кливленд кавалирс 101-116, Атланта хокс – Филаделфија 76-ерс 96-98, Бруклин нетс – Минесота тимбервулфс 110-105, Хјустон рокетс – Орландо меџик 118-116, Далас маверикс – Њу Орлеанс пеликанс 91-107, Јута џез – Бостон селтикс 137-130, Голден Стејт ворирос – Феникс санс 118-96, ЛА лејкерс – ЛА клиперс 115-119.