Ужас во Сан Антонио: Вембанјама падна на главата и доживеа потрес на мозокот (ВИДЕО)

22 април 2026 - 08:13

Пред неколку дена беше прогласен за најдобар дефанзивец во НБА, потоа го предводеше Сан Антонио до првата победа над Портланд во првото коло од плејофот со 35 поени, но во вториот натпревар, Виктор Вембанјама доживеа силен пад поради што го заврши натпреварот во втората четвртина.

Младиот Французин падна директно на лице по еден удар кон кошот и дуел со Џру Холидеј, му требаше речиси половина минута да дојде до седечка положба, а речиси цела минута да стане. Добрата работа е што сам отиде во соблекувалната, меѓутоа, Спарс кратко потоа објавија дека е подложен на протокол за потрес на мозокот и нема да се врати на теренот. По натпреварот во кој Спарс беа поразени од Портланд, тренерот Мич Џонсон изјави дека на неговиот играч му е дијагностициран потрес на мозокот, што значи дека ќе има 48 часа одмор, а теоретски би можел да игра во третиот натпревар од серијата со Блејзерс, кој се икгра ноќта помеѓу петок и сабота (04:30 часот). Евентуалното отсуство на Вембанјама би бил огромен хендикеп за Сан Антонио. Кога излезе, резултатот беше 34-32 во корист на гостите од Портланд, домаќините имаа +14 во последната четвртина, но ривалот успеа да направи пресврт и да победи со 106-103 со што израмни на 1-1.

На крилјата на одличниот Французин, Сан Антонио се квалификуваше во плејофот за прв пат од 2019 година. Со оглед на тоа што во своите редови го имаат еден од најдобрите и најперспективните играчи во НБА лигата, очекувањата на навивачите се големи, но без Вембанјама, шансите на Спарс се значително намалени.

Центарот на Спарс во просек постигнуваше по 25 поени, 11,5 скока и беше лидер во лигата со 3,1 блокади по натпревар во текот на сезоната. Пред повредата вечерва, тој имаше 5 поени, 4 скока, 1 асистенција и 1 блокада.