Уапсен кошаркарот кој му се закануваше на Јокиќ и бараше „ферка“ со неговите браќа!

28 јули 2025 - 11:07

Поранешниот НБА кошаркар, Маркус Морис, бил уапсен на Флорида врз основа на потерница издадена од друга американска држава и тоа без можност за кауција поради тоа што издал неважечки чек, што се смета за кривично дело.

Агентот на Морис, Јони Ној, објасни дека станува збор за неплатен долг во казино, а не за измама.

„Нема никакви лажни чекови или криминални дејства, како што некои медиуми пренесуваат. Станува збор за кредитен маркер што не е отплатен. Во Невада, ако должите повеќе од 1.200 долари, може да се издаде потерница за апсење. Апсолутно лудо!“, изјави агентот.

Морис има 14-годишна кариера во НБА, за време на која настапи за осум различни тимови. На 832 одиграни натпревари постигнуваше во просек по 12 поени. Последната сезона ја заврши без ангажман. Тој е познат и по конфликтот со српскиот кошаркар Никола Јокиќ, со кого имаше физички дуел пред неколку сезони на паркетот. Напнатоста меѓу нив повторно беше во фокусот на јавноста неодамна, кога Маркус и неговиот брат Маркиз го предизвикаа Јокиќ и неговите браќа, Страхиња и Немања, на боксерски дуел.