Магија на Дончиќ – даде табла-кош одбивајќи ја топката од семафорот на кровот (ВИДЕО)

01 април 2024 - 11:25

Лука Дончиќ одигра маестрално во синоќешната победа над Хјустон рокитс (125-107) во меч во кој постигна 47 поени, меѓу кои беше и можеби најбизарниот кош во неговата кариера (види ТУКА).

Но, пред да почне средбата, тој уште еднаш покажа дека го бива за циркуски потези, со оглед што даде табла-кош одбивајќи ја топката од семафорот на кровот од салата.

Поентерскиот учинок на оваа средба му беше десетти најдобар во кариерата, а постигна и девет тројки со што го изедначи рекордниот учинок досега во НБА.