Критики по неуспехот: Јокиќ не требаше да биде МВП

20 мај 2024 - 15:50

Поранешниот најдобар центар во НБА, Двајт Хауард смета дека Никола Јокиќ не заслужил да биде МВП на сезоната, а своето мислење го истакна откако Денвер испадна во полуфиналето од Западната конференција.

Настапот во плејофот нема врска со признанието за најкорисен играч, но некогашниот играч на Орландо, Лејкерс итн. вели дека тоа е одраз на она што се случуваше во основниот дел од сезоната.

„Не мислам дека Јокиќ требаше да биде прогласен за МВП. Ги имате Јанис, Едвардс, Дончиќ, Брансон... Сепак, јасно е дека Јокиќ е еден од најдобрите центри во историјата, трите МВП титули го сместуваат во топ-10“, вели Хауард.

Американецот никогаш не криел дека е голем фан на Јокиќ, но исто така изјави дека бил подобар од него во пикот од својата кариера.