Јокиќ уште еднаш залудно блескаше, магичен пресврт за Минесота (ВИДЕО)

28 декември 2024 - 08:52

Кошаркарите на Денвер Нагетс уште еднаш беа поразени во НБА лигата, откако ноќеска загубија на домашен терен во пресметката со Кливленд Кавалирс (135-149).

Никола Јокиќ уште еднаш блескаше на теренот со трипл-дабл остварен со 27 поени, 14 скока и 13 асистенции, но тоа не беше доволно да се спречи лидерот во Источната конференција. Кај Кливленд најдобар беше Донован Мичел со 33 поени.

Минесота Тимбервулвс извојува драматична победа над Хјустон Рокетс (113-112), иако губеше со 15 поени на само четири минути до крајот. „Волците“ се вратија благодарение на 27. поени на Џулиус Рендл, додека кај поразените, најистакнат беше Алперин Шенгун со 38 поени.

РЕЗУЛТАТИ: Орландо – Њујорк 85-108, Бруклин – Сан Антонио 87-96, Бостон – Индијана 142-105, Денвер – Кливленд 135-149, Њу Орлеанс – Мемфис 124-132, Феникс – Далас 89-98, ЛА Клиперс – Голден Стејт 102-92.