Јокиќ на една асистенција од трипл дабл, Денвер се врати по -19 и го совлада Далас (ВИДЕО)

Мечот го одбележа големиот пресврт што го направи тимот од Колорадо кој беше во негатива од почетокот до средината на последната четвртина, а на четири минути пред крајот на третиот период губеше и со 19 поени разлика (67-86). Сепак, последната четвртина му припадна на Денвер со 33-12 за трета победа во низа и четврта во последните пет натпревари.

Тимот на Далас на овој меч беше без своите две најголеми ѕвезди Лука Дончиќ и Кајри Ирвинг и не успеа да слави без нив трет пат по ред. Ова беше и директна битка за четвртата позиција во Западната конференција, па Денвер сега има една победа повеќе од својот денешен ривал.

Клеј Томпсон го предводеше Далас со 25 поени, но Денвер повторно го имаше тандемот Вестбрук-Јокиќ кој за малку не заврши со трипл дабл. Вестбрук реализира 21 поен, 10 скока и 7 асистенции, додека Јокиќ заврши со 19 поени, 18 скока и 9 асистенции.

РЕЗУЛТАТИ
Њујорк - Милвоки 140-106
Далас - Денвер 101-112
Чикаго - Сакраменто 119-124
Вашингтон - Оклахома 95-136
Орландо - Филаделфија 99-95
Кливленд - Индијана 93-108
Бостон - Њу Орлеанс 120-119
Јута - Бруклин 112-111
Феникс - Шарлот 120-113