Јокиќ го предводеше Денвер до победа во Оклахома, Дончиќ не можеше сам против Бостон (ВИДЕО)

24 ноември 2022 - 09:04

На Никола Јокиќ му недостасуваше една асистенција за трипл-дабл против Оклахома, но Денвер го доби мечот со 126-131, Лука Дончиќ постигна 42 поени против Бостон, но Далас го загуби мечот со 125-112.

Оклахома и Денвер одиграа неизвесен меч кој се решаваше по продолжение. Никола Јокиќ одигра одлична партија, постигна 39 поени, имаше 10 скокови и девет асистенции, Гордон постигна 30 поени. Во составот на Оклахома убедливо најдобар беше Жилжиус Александер со 31 поен и 11 асистенции.

Лука Дончиќ имаше уште едно брилијантно издание оваа сезона, но тоа не му помогна на Далас да избегне пораз кај Бостон. Словенецот водеше битка со Тејтум, личната пресметка ја доби. Дончиќ постигна 42 поени, имаше осум скокови и девет асистенции. Тејтум мечот го заврши со 37 поени, 13 скокови и пет асистенции.

Резултати:
Шарлот - Филаделфија 107:101
Кливленд - Портланд 114:96
Индијана - Минесота 101:115
Атланта - Сакраменто 115:106
Бостон - Далас 125:112
Мајами - Вашингтон 113:105
Торонто - Бруклин 98:112
Милвоки - Чикаго 113:118
Оклахома - Денвер 126:131
Сан Антонио - Њу Орлеанс 110:129
Јута - Детроит 116:125
Голден стејт - ЛА Клиперс 124:107