Реал Мадрид не застанува: Се знае новото засилување на Мурињо

13 септември 2026 - 13:29

Реал Мадрид не мирува на трансферниот пазар и веќе ја подготвува стратегијата за следното големо засилување. На мета на „кралскиот клуб“ се најде еден од најдобрите германски дефанзивци – Нико Шлотербек.

Германските медиуми пренесуваат дека Реал Мадрид внимателно ја следи ситуацијата со 26-годишниот репрезентативец на Германија, кој е еден од најважните фудбалери на Борусија Дортмунд.

Шлотербек има договор со германскиот клуб, но преговорите за продолжување на соработката не се одвиваат според очекувањата. Борусија веќе подолго време се обидува да постигне договор со својот дефанзивец, но засега нема конечен договор. Токму оваа ситуација сака да ја искористи Реал Мадрид. „Кралевите“ во Шлотербек гледаат фудбалер кој може да донесе квалитет, физичка сила и сигурност во последната линија, а неговото искуство од Бундеслигата и германската репрезентација дополнително го прави интересна опција.

Во Мадрид веќе внимателно ја следат ситуацијата и доколку преговорите меѓу Шлотербек и Дортмунд продолжат да стојат во место, Реал би можел да тргне во конкретна акција. За Борусија Дортмунд тоа би бил сериозен проблем, бидејќи евентуалното заминување на Шлотербек би значело загуба на еден од столбовите на тимот.