Драма во Мизано: Бецеки излета во првиот круг, Марк Маркез изби на врвот во Мото ГП!

13 септември 2026 - 14:54

Шпанскиот мотоциклист, Марк Маркез, е новиот лидер во генералниот пласман на Мото ГП шампионатот, откако победи на денешната трка за Големата награда на Сан Марино возена на патеката „Мизано“.

Возачот на Дукати за првпат оваа сезона се искачи на врвот во генералниот пласман, забележувајќи ја својата петта победа сезонава и потврдувајќи ја кандидатурата за шампионската титула во 2026 година. Трката започна исклучително драматично, откако Марко Бецеки, кој стартуваше од пол-позицијата, падна уште во првиот круг и предвреме го заврши својот настап. По неговото откажување, следуваше жестока борба за лидерската позиција. Хорхе Мартин накратко успеа да се пробие на првото место, но Маркез брзо возврати и повторно ја презеде контролата врз трката. До самиот крај, искусниот Шпанец не дозволи изненадувања и успешно одолеа на притисокот од својот брат Алекс Маркез.

Второто место му припадна токму на Алекс, со што браќата Маркез го запишаа својот прв двоен триумф во текот на оваа сезона. Третата позиција на подиумот ја обезбеди младиот Педро Акоста, кој со одлично возење и неколку атрактивни претекнувања се избори за висок пласман.