Голден Стејт пред потпис со еден од најдобрите тројкаши во НБА

03 јули 2024 - 13:37

Поранешниот шампион Голден Стејт вориорс наскоро ќе потпише договор со Бади Хилд кој минатата сезона го носеше дресот на Филаделфија севентисиксерс, а важи за еден од најдобрите тројкаши во НБА-лигата.

Хилд во текот на својата кариера во најсилната кошаркарска лига има успех од 40 отсто при ударите за три поени, а исто така тој е еден од кошаркарите кои од 2020 година, па досега имаа повеќе од 1.000 тројки во НБА.

Искусниот кошаркар досега во НБА-лигата го носеше дресот на Њу Орлеанс, Сакраменто, Индијана и Филаделфија.