Епско финале во забивање: Џоунс Џуниор за малку подобар од Гордон (ВИДЕО)
Натпреварот беше доста контраверзен со оглед на тоа дека судиите потврдија дека сакале да победата да им ја доделат на двајцата кошаркари, кои имаа исклучително квалитетни и атрактивни забивања.
Гордон дури и најави дека веќе се откажува од овие натпревари, бидејќи беше разочаран што по втор пат во кариерата не го понесе трофејот за најдобар забивач. Џоунс Џуниор пак од друга страна исто така го заслужи трофејот и го повика својот ривал на реванш.
Гордон и Џоунс во финалната рунда имаа перфектни 50 поени, односно сите пет судии им поделија по десетки, а потоа истото и во следната рунда. Во втората рунда, кошаркарот на Мајами доби 48 поени, додека Гордон 47 иако го прескокна 226 сантиметри високиот кошаркар на Бостон Тако Фол и ја заби топката.
The FULL 2020 All-Star Slam Dunk Contest.
— Legion Hoops (@LegionHoops) February 16, 2020
What a night. pic.twitter.com/Febhm3aZzF
Дури и најдобриот кошаркар на денешницата Леброн Џејмс сметаше дека трофејот треба да го поделат двајцата финалисти.
„Два трофеи требаше да бидат доделени вечерва тоа е сигурно!! Тие момци приредија шоу! Професионални забавачи“, напиша Леброн.
2 🏆 should have been rewarded tonight that’s for damn sure!! Keep it a buck y’all. 🤦🏾♂️!! Them boys both put on a show! Professional DUNKERS
— LeBron James (@KingJames) February 16, 2020