Едвардс: Јокиќ не ја заслужи МВП-титулата минатата година!

01 јануари 2025 - 21:57

Кошаркарот на Минесота тимбервулвс, Ентони Едвардс смета дека Шеј Гилџус-Александер од Оклахома сити тандер е најдобар кошаркар во НБА-лигата, а не Никола Јокиќ.

Јокиќ игра неверојатно во дресот на Денвер нагетс и оваа сезона во просек постигнува по 31 поен, 12,9 скокови и 9,5 асистенции во просек, но тоа не е доволно за Едвардс.

„Шеј треба да биде МВП. Никој не може да го запре. Кога играте против него, не може да го запрете. Не сум сигурен дека би било во ред Јокиќ повторно да биде МВП. Сметам дека Шеј ја заслужува наградата, исто како што требаше да ја добие и минатата година“, кажа Едвардс.

Гилџус-Александер во просек постигнува по 31,3 поени и шест асистенции на натпревар оваа сезона.