Дончиќ го растури Далас, а во арената дојде со - чудовиште (ВИДЕО)

11 април 2025 - 08:58

Пред два дена Лука Дончиќ првпат се врати во Далас откако во февруари беше трејдуван во Лос Анџелес Лејкерс и се погрижи враќањето да биде со стил.

Тој се уште поседува имот во Далас, вклучувајќи и неколку возила и со едно од нив пристигна во Американ ерлајнс центарот. Станува збор за теренец со шест тркала кој се вика Jeep Gladiator Apocalypse Hellfire 6x6.

Го купи пред две години за 200 илјади долари, но му остана во Далас и веројатно летово ќе го пресели во Лос Анџелес. Заедно со него во арената пристигна и татко му Саша.