Детроит во налет, Филаделфија се бори за плеј-ин – вечер со многу поени во НБА (ВИДЕО)

Пистонс немаа проблеми против ослабениот ривал, а до триумфот ги предводеше Џејлен Дурен со дабл-дабл од 10 поени и 13 скока, додека најефикасен беше искусниот Тоби Харис со 18 поени. Детроит со ова стигна до деветтиот триумф по ред и ја задржа предноста во Источната конференција.

Во важен меч за плеј-ин, Филаделфија Сиксерс славеше на гости кај Шарлот Хорнетс (118-114). Клучна улога имаше Тајрис Макси, кој се врати на теренот со 26 поени, осум асистенции и шест скока. Џоел Ембид додаде 29 поени, а Пол Џорџ 26. Кај домашните се истакнаа Брендон Милер со 29 поени и Ламело Бол со 20 поени и осум асистенции.

Атланта Хокс беше подобра од Сакраменто Кингс (123-113), со фантастична последна четвртина и осум погодени тројки. Овој триумф беше јубилеен – 500-ти во кариерата за тренерот Квин Снајдер. Најефикасни беа Никел Александер-Вокер со 27 и Џејлен Џонсон со 26 поени.

Во драматичен финиш, Мемфис Гризлис го победи Чикаго Булс (125-124). Херој беше Седрик Кауард со 24 поени, вклучувајќи ги и клучните слободни фрлања. Кај Булс блескаше Матас Бузелис со 29 поени, додека Џош Гиди запиша трипл-дабл (18 поени, 13 скока, 10 асистенции).

Убедлив беше и Феникс Санс, кој ја совлада Јута Џез со 134:109. Победата ја предводеа Девин Букер и Џејлен Грин, кои заедно постигнаа 57 поени.

РЕЗУЛТАТИ: Милвоки Бакс – Сан Антонио Спарс 95-127, Минесота Тимбервулвс – Детроит Пистонс 87-109, Шарлот Хорнетс – Филаделфија Сиксерс 114-118, Атланта Хокс – Сакраменто Кингс 123-113, Мемфис Гризлис – Чикаго Булс 125-124, Феникс Санс – Јута Џез 134-109.

ФОТО: EPA PHOTO