Бол флертуваше со трипл-дабл, а Вучевиќ одигра како – вонземјанин! (ВИДЕО)
Во својот втор натпревар во најсилната лига на светот, Бол покажа зошто е сметан за еден од идните легенди на ова натпреварување, реализирајќи 29 поени, 11 скока и девет асистенции во триумфот на ЛА лејкерс во пресметката со Феникс санс (132-130). Тој за малку ја пропушти можноста со 19 години да стане најмладиот што остварил трипл-дабл ефект во меч од НБА-лигата.
Репрезентативецот на Црна Гора, пак, беше незапирлив во дресот на Орландо меџик во пресметката со Бруклин нетс, но тоа, сепак, не беше доволно за триумф на неговиот тим (121-126). Вучевиќ постигна 44 поени со само пет промашени шута и учинок 6/8 за три поени, а на кои додаде и 12 скока.
Прва победа во новата сезона оствари актуелниот шампион Голден стејт вориорс и тоа на гостувањето кај Њу Орлеанс пеликанс (128-120). Стеф Кари и Томсон постигнаа по 23, а Дурент реализира 22 поени. Два од два на стартот од сезоната има нивниот ривал од плејоф-финалето, тимот на Кливленд кавалирс, кој беше подобар на гостувањето кај Милвоки бакс (116-97), со учинок на Леброн Џејмс со 24 поени и на Кевин Лов со 17 поени и 12 скока.
РЕЗУЛТАТИ:
Шарлот – Атланта 109-91
Индијана – Портланд 96-114
Милвоки – Кливленд 97-116
Филаделфија – Бостон 92-102
Вашингтон – Детроит 115-111
Бруклин – Орландо 126-121
Минесота – Јута 100-97
Далас – Сакраменто 88-93
Њу Орлеанс – Г. Стејт 120-128
Феникс – ЛА Лејкерс 1310-132