Букер со кош во последната секунда го урна Клиперс, важна победа за Портланд (ВИДЕО)

05 август 2020 - 09:32

Девин Букер со кош во последната секунда за Феникс Санс го урна вториот најдобар тим на Западот, ЛА Клиперс во супервозбудливиот меч од завршницата од регуларната сезона во НБА-лигата, која се игра во Дизниленд поради пандемијата со коронавирус.

Санс славеше со 117-115, а Букер беше човек за сè. Даде 35 поени, а клучната тројка преку Пол Џорџ во последната секунда за триумф.

Ти-Џеј Ворен откако се рестартираше сезоната во НБА е неверојатен. Има просек од близу 40 поени по рестартот, а синоќа изедначи рекорд на Џерменј О'Нил од три последователни меча со кошгетерски ефект. Првиот меч му беше со 53, сега на Орландо му даде 32 и е главна ѕвезда на Индијана.

Портланд остана во трка за место во плејофот после победата над Хјустон со 110-102 и сега се деветти, со победа ипол помалку од Менфис во трката за последната карта за плејофот. Кармело Ентони со тројка во завршницата го скрши Портланд од своите 14 поени синоќа, а прв предводник беше Лилард со 21 поен од кои осум во завршниот период.

РЕЗУЛТАТИ
Бруклин – Милвоки 119-116
Далас – Сакраменто 114-110 по продолженија
Феникс – Клиперс 117-115
Орландо – Индијана 109-120
Бостон – Мајами 106-112
Портланд – Хјустон 110-102