Флик го прескокна Кројф и влезе во елитното друштво на Барселона

14 септември 2026 - 16:15

Ханзи Флик продолжува да испишува историја на клупата на Барселона. Германскиот стратег со одличниот старт на новата сезона стигна до уште едно импресивно достигнување и влезе меѓу петте тренери кои најчесто ја предводеле Барселона до врвот на табелата во Ла Лига.

Откако го презеде каталонскиот гигант, Флик бил на лидерската позиција во првенството во дури 61 од вкупно 81 коло во кое го водел тимот. Со тоа тој зад себе остави неколку легендарни имиња од историјата на клубот.

Флик сега има повеќе лидерски кола од Јохан Кројф, кој со Барселона бил на врвот во 59 наврати, Луис ван Гаал со 58 и Луис Енрике со 55. Пред германскиот тренер останува и Тери Венеблс со 60, па Флик практично го комплетирал влезот во престижната топ-5. Пред него се уште четворица тренери. Ринус Микелс бил лидер во 63 кола, Ернесто Валверде во 80, Франк Рајкард во 85, додека рекордер е Пеп Гвардиола со 87 лидерски кола.

Особено впечатливо е што Флик до ова достигнување стигна за нешто повеќе од две сезони и на почетокот од третата, додека дел од тренерите пред него имале значително повеќе време на клупата на Барселона. „Каталонците“ и оваа сезона стартуваа во одличен ритам, со серија добри резултати и голгетерски ефикасни настапи, а тимот на Флик уште од првите кола се наметна како лидер во Ла Лига.