Уникс Казан подобар од МБА Москва, седум поени и 10 асистенции за Димитријевиќ

12 март 2023 - 17:52

Уникс Казан конечно славеше во ВТБ-лигата, откако вечерва ја надигра МБА Москва со 73-58, а македонскиот кошаркар Ненад Димитријевиќ постигна седум поени.

Екипата на Димитријевиќ го отвори мечот со 18-8, по што на полувремето замина со 34-25. Иако МБА од Москва се обидуваше да ја намали негативата, сепак не успеа во намерата и Уникс славеше со 73-58.

Дерил Мејкон со 20 поени беше најефикасен во победничкиот тим, додека Димитријевиќ постигна седум поени, два скока и 10 асистенции.