Реал Мадрид го уништи Макаби Тел Авив во Евролигата

28 ноември 2023 - 22:28

Шпанскиот гигант Реал Мадрид славеше со 99-70 против Макаби Тел Авив во заостанатиот натпревар од шестото коло во кошаркарската Евролига.

„Кралскиот клуб“ уште во првата четвртина најави дека го чека потоп тимот од Израел (36-21), а на полувреме водството на Реал Мадрид изнесуваше 52-41.

Реал Мадрид во вториот дел сè повеќе го засилуваше темпото и го полнеше кошот на Макаби за на крајот да слави со 99-70.

Таварес постигна 19 поени и осум скокови за Реал, додека Браун беше најефикасен кај Макаби со 16 поени, пет скокови и девет асистенции.