Нема „зима“ за Србија додека е тука Никола Јокиќ

Поради повреда не играше капитенот Богдан Богдановиќ, па убедливо најдобар играч беше Никола Јокиќ кој буквално сам ѝ донесе победа на својата селекција. Суперѕвездата на Денвер Нагетс го собори рекордот на Србија, постигнувајќи 39 поени, а додаде уште 10 скока за индекс 42. и досегашниот рекорд по бројот на поени на српската репрезентација го држеше тој, од претходното Европско првенство кога против Италија постигна 32 поена.

Србија главно ја имаше контролата над резултатот и се наоѓаше во водство, а кога во втората четвртина Летонија поведе со 31-28, следуваа тројки на Аврамовиќ и Гудуриќ, кош со фаул на Јокиќ и уште еден негов кош за жесток одговор со кој Србите го презедоа водството. Се чинеше дека работата е завршена во последната четвртина кога Србија поведе соо највисоки 12 разлика (75-63), но Летонците се вратија во игра и во финишот намалија на 80-82.  Сепак, немаше време за целосен пресврт, па Србија ја оствари третата победа.

Далеку од Јокиќ останаа Петрушев со 12 и Гудуриќ со 11 поени, но најважно е дека Србија со денешната победа обезбеди пласман во осминафиналето од Европското првенство. Кај Летонците, кои го претрпеа вториот пораз, Давис Бертанс беше најдобар играч со 16 поени и 10 скока.