Пешиќ во клинч со српски новинар: Немој да си ме прашал нешто до крајот на првенството...

30 август 2025 - 21:29

Српскиот селектор Светислав Пешиќ имаше бурна прес-конференција по денешниот натпревар против Летонија, во рамките на третото коло од Европското првенство.

Српски новинар упати прашање за Огњен Добриќ во врска со наводен инцидент со летонскиот селектор Лука Банки, но тоа го изнервира искусниот стручњак кој тотално полуде и му одговори мошне дрско, дури и му се развика.

„Какви се тие прашања, ние победивме, а ти прашуваш глупости. Што се случило, ништо не се случило, заврши натпреварот, сите се возбудени. Што сакате, да бодете? Ние зборуваме за кошарка, ние победивме натпревар, ти немаш други прашања, прашуваш кој со кого се поздравил. Немој да се јавуваш повеќе, немој да ме прашуваш ништо до крајот на првенството“, лут беше Пешиќ.

Селекторот овие два дена добива низа критики поради релативно слабата игра на српската репрезентација на последните два меча, против Португалија и Летонија иако веќе обезбеди пласман во осминафиналето со биланс 3/0.