Миовски ќе дебитира за Ренџерс во вечното дерби против Селтик (ФОТО)

31 август 2025 - 11:52

Македонскиот репрезентативец Бојан Миовски вчера беше промовиран како ново засилување на еден од најтрофејните клубови во Шкотска, а денеска ќе дебитира во дресот на Ренџерс во вечното дерби против Селтик.

Дербито „Олд Фирм“ е едно од најпознатите во светот, а тренерот на Ренџерс реши веднаш да му даде шанса на македонскиот напаѓач да го покаже својот квалитет.

Натпреварот меѓу вечните ривали се игра денеска од 13 часот во Глазгов, а Ренџерс ќе се обиде да ја запише првата победа во шкотскиот шампионат во новата сезона.

Ренџерс по три одиграни кола има три освоени бодови и се наоѓа на седмата позиција, додека Селтик има три триумфи и е на второто место во домашниот шампионат.