Србија поради смртен случај остана без уште еден член на репрезентацијата

31 август 2025 - 15:23

Репрезентацијата на Србија, остана без Богдан Богдановиќ за кого Европското првенство заврши поради повреда, но тој не е единствен кој ја напуштил српската селекција.

Кошаркарскиот сојуз на Србија потврди дека менаџерот на тимот Небојша Илиќ исто така ја напуштил делегацијата поради смртен случај.

Како што информираа мајката на Илиќ починала на 86-годишна возраст, па тој веднаш се вратил во Белград.

„Со голема тага ја примивме веста за смтта на мајката на менаџерот на тимот на нашата сениорска репрезентација. Сите репрезентативци, тренерскиот штаб, претседателот и сите вработени во федерацијата изразуваат најдлабоко сочувство до Небојша и неговото семејство“, стои во соопштението.

По вчерашната победа над Летонија, Србија следниот натпревар на Евробаскетот го игра в понеделник против Чешка од 20:15 часот.

Фото: FIBA