Во Баер брзо ја сфатија грешката: Тен Хаг пред отказ

Поради тоа, жесток е притисокот врз холандскиот стручњак Ерик Тен Хаг кој летово ги презеде „фармацевтите“ и тој може да биде првиот тренер сезонава кој ќе добие отказ во германското првенство. Во овие две кола, Баер има само еден освоен бод и се наоѓа на 12. позиција на табелата, со можност дополнително да назадува ако Мајнц или Фрајбург денеска остварат победа во меѓусебниот дуел.

Откако во првото коло беше поразен на домашен терен од Хофенхајм со 1-2, Баер вчера одигра нерешено (3-3) со Вердер во меч во кој водеше со 3-1, но предноста не успеа да ја сочува. Единствениот триумф на официјален натпревар, тимот од Леверкузен го оствари во Купот на Германија, но таму за противник го имаше нисколигашот Гросапах кој, сепак, не е мерило за квалитетот на екипата.

Мора да се истакне и тоа дека Тен Хаг создава тим одново откако во текот на летото Баер го напуштија главните играчи: Флоријан Вирц, Џереми Фримпонг, Џонатан Тах, Гранит Џака итн. за кои тимот заработи над 220 милиони евра. Дојдоа нови 13 фудбалери на кои им треба време да се вклопат и, евентуално, да почнат да бележат добри резултати.