Пелистер гостува во Ѓорче Петров, Тиквеш и Брера се борат за прв триумф

31 август 2025 - 11:18

Денеска ќе се одиграат уште два натпревари во Првата македонска фудбалска лига (ПМФЛ), односно Пелистер ќе ѝ гостува на Македонија Ѓорче Петров во Скопје, додека Тиквеш и Брера Струмица ќе се соочат во надеж дека еден од нив ќе запише прв триумф во домашниот шампионат.

Пелистер ја почна новата сезона со пораз од вечниот ривал Вардар, но потоа врза два триумфи по ред против Брера и Шкупи, па во добро расположение ќе гостува во Ѓорче Петров, каде што домашниот тим сè уште нема освоено бод во Првата лига, односно запиша три порази од Струга, Шкендија и Силекс.

Тиквеш и Брера по три одиграни кола имаат освоено само по еден бод, па денеска во директен судир ќе се обидат да ја подобрат својата позиција на табелата во Првата лига.

Натпреварите од Првата лига се играат денеска од 16.30 часот.