Најлуд пресврт: Губеа 16 разлика на 140 секунди во мајсторката за титула и на крај – победија! (ВИДЕО)

03 јуни 2023 - 08:20

Во кошарката се случувале џиновски пресврти, па дури и во елитната НБА и европската елита Евролигата, ама вакво нешто не се памети, а се случи во Холандија во мајсторката за шампионската круна.

ЗЗ Лајден е нов првак на Холандија откако во одлучувачкиот меч го победија Донар од Гронинген со 82-81. До титулата дојдоа со неверојатен и невиден пресврт зашто на 146 секунди пред крајот на мечот сѐ изгледаше загубено и недостижно. Имаа дури 16 поени негатива, ама...

На 2:20 минути пред крајот резултатот гласеше 61-77 за Донар. И оттука почна лудиот пресврт со 21-4 со тоа што на три стотинки пред крајот при 81-80, Томас Рутефорд беше фаулиран, па со две погодени слободни фрлања го комплетира пресвртот за неверојатна победа вредна титула.

За ЗЗ лајден ова е петта титула во историјата