Драма во Каунас: Жалгирис ја победи Звезда со звукот на сирената

30 октомври 2024 - 21:33

Кошаркарите на Црвена Звезда претрпеа пораз од Жалгирис во шестото коло од Евролигата. Литванскиот тим славеше на свој терен со резултат 86-84 со поените на Брајан Данстон на 0.1 секунда пред крајот. Претходно Коди Милер-Мекинтајер погоди тројка за 84-84.

Црвено-белите добро го започнаа натпреварот и поведоа со 8-2, но Жалгирис потоа влезе во ритам и по првиот период водеше со 24-18.

Кон средината на втората четвртина литванскиот гигант дојде и до двоцифрена разлика, а по 0 поени на расположениот Але Смаилагиќ на одмор замина со убедливи 47-33.

Успеа Звезда во продолжение да го намали заостанувањето и кон средината овој период дојдоа на само пет поени заостанување, сепак, Жалгирис одново се „одлепи“ во завршницата (66-55).

Не се откажа Звезда ниту тогаш, а со тројката на Никола Калиниќ црвено-белите во целост се вратија во мечот (68-66). Потоа следуваше драматична завршница која беше решена со двојката на 0.1 секунда пред крајот на Данстон за победа на домаќините.

За Звезда ова беше трет пораз во низа во Евролигата, по трите стартни победи, додека Жалгирис е лидер во Евролигата со учинок 5-1 каков што има и Барселона.