Тони Симиќ се враќа на клупата – ја презеде Академија ФМП!

По неколку месечна работа како предводник на Работнички, тој лани на почетокот од февруари го напушти „Градски парк“, по што не работеше во ниту еден друг клуб.

„Мислам дека ФМП има потенцијал за подобри резултати од моменталните, со одредени промени во играчкиот кадар. Оптимист сум како и секогаш, дека со напорна работа и максимална посветеност на сите во клубот резултатите ќе дојдат сами по себе“, изјави Симиќ.

Тој доаѓа на местото на Никола Божиноски, кој останува дел од стручниот штаб на „академците“. Академија ФМП по првиот дел од сезоната е на десеттата позиција на табелата со три победи во 11 меча.