Стајиќ останува во Битола, потпиша на уште две сезони со Пелистер!

10 јуни 2021 - 16:04

Поранешниот македонски кошаркарски репрезентативец, Бобан Стајиќ (27 години), не мрда никаде од Битола, откако денеска го обнови договорот со екипата на Пелистер и тоа за следните две години.

Тој беше еден од најдобрите во зелено-белиот табор минатата сезона, во која пелистерци беа најдобри во регуларниот дел од сезоната, но испаднаа во полуфиналето од плејофот, како и во четвртфиналето од Купот на Македонија. Стајиќ во кариерата има играно за МЗТ Скопје, Лирија, Фени индустри, Куманово, Работнички и за Кожув, пред минатото лето да потпише за Пелистер.

Искусниот плејмејкер на 22 средби одиграни сезонава просечно реализираше 11,5 поени, 2,7 скока и 5,7 асистенции.