Пелистер ангажира центар од САД, а отпушти негов сонародник – плејмејкер!

21 септември 2023 - 17:46

На десетина дена пред почетокот на новата сезона во домашното првенство, екипата на Пелистер продолжува со промените во составот, откако денеска промовира едно засилување на центарската позиција, но и едно заминување од кошаркарите кои играат како бекови.

Нов член на битолчани е Американецот Ренди Брамант (24 год, 201 см), кој добро се снаоѓа на двете центарски позиции и тоа доаѓа од таборот на романски Тарфу Џиу каде што на 11 средби просечно реализирал 4,7 поени и 4,27 скока. Тој ќе биде третиот кошаркар од САД во таборот на „зелените“ за новата сезона, откако претходно пристигнаа Малком Бернард и Кристијан Банди. Истовремено, вицешампионот се раздели со плејмејкерот Ламан Норман, Џуниор кој не ги оправда очекувањата.

Пелистер летово потпиша и со Александар Костоски, Амар Хот и Лука Стојановски, а во тимот остана капитенот Андреј Маслинко.