Општа тепачка на мечот меѓу Чаир 2030 и ТФТ – влетале и навивачи во терен!

Хаосот почнал на две минути пред крајот на средбата, по еден прекршок на еден од домашните кошаркари, кој за чаирчани бил прегруб. Дошло до реакција од клупата, па и од трибините каде што биле фановите на гостинскиот тим, реагирале и присутните домашни навивачи по што дошло до тепачка во траење од неколку минути.

Најдебелиот крај го извлекол капитенот на ТФТ, Едис Нури, кој бил нападнат од неколку лица, поради што овој инцидент бил пријавен во полиција што значи дека ќе има и „трето полувреме“ надвор од кошаркарскиот терен.