МЗТ Скопје се „подмлади“ со 15-годишен талент од младинската школа!

15 септември 2021 - 18:23

Екипата на МЗТ Скопје најави продолжување на трендот давање шанса на големи таленти од младинската школа, откако денеска го промовира префрлањето во сениорскиот тим на 15-годишниот Бојан Величковски.

Станува збор за голем талент и македонски кадетски репрезентативец, од кого очекуваат многу во „Јане Сандански“. Тој сега потпишал тригодишен договор за стипендирање до неговото полнолетство, по што ќе ја парафира и првата професионална соработка со сино-белите од Аеродром

Без разлика на својата возраст, Величковски веќе дебитираше во дресот на МЗТ Скопје и тоа на неодамнешниот пријателски турнир во Лесковац, каде што доби завидна минутажа.