Револуција во Ф1: Трките ќе бидат снимани со дрон кој лета со - 350 километри на час!

Дронот со ова може да сними трка и да се изедначи по брзина со најбрзиот болид во светскиот шампионат. Има издржливост на батеријата од три минути и домет од десет километри, што е доволно да се снимаат по два круга и тоа од секој дуел во висока резолуција и на ниво кое досега не е видено. На Ред Бул му беше потребна повеќе од една година да создаде ваков дрон кој може да одговара на брзината на болидите на Формула 1. Тој е единствен по тоа што вклучува вртење, забрзување, траење на батеријата, како и навигација под мостови и билборди на патеката.

„Никогаш не мислев дека ќе видам беспилотно летало да оди толку брзо. Бев изненаден колку брзо може да оди и да го одржува темпото и му дава малку поинаква перспектива на гледањето на Формула 1“, изјави актуелниот шампион, Макс Верстапен.

Новата сезона на Формула 1 почнува на втори март и тоа со трката за Големата награда на Бахреин на патеката „Сакир“.