Ралф Шумахер го „отпиша“ Ферари од трката за титула

10 март 2023 - 18:35

Ферари разочара во првата трка од новата сезона и делува како екипа која не може да се бори за титулата, а така смета и поранешниот возач во Формула 1, Ралф Шумахер.

Макс Ферстапен доминираше во Бахреин и заврши со 12 секунди предност пред тимскиот колега Серхио Перез, а Шумахер смета дека тие двајца ќе бидат главни и оваа сезона во „најбрзиот циркус“.

„Не верувам дека Ферари може да се бори за титулата. Треба многу да ја намалат разликата. Ред Бул има одлични времиња на патеката и треба да се случи чудо, односно некоја техничка несреќа за да ја загубат битката за титулата“, кажа Шумахер.