Претседателот на Ферари „распали“ по Леклер и Хамилтон по катастрофата во Бразил

10 ноември 2025 - 20:19

Претседателот на Ферари, Џон Елкан ги критикуваше Луис Хамилтон и Шарл Леклер, откако возачите разочараа со нивните настапи на трката за Големата награда на Бразил.

Двајцата возачи беа критикувани од првиот човек на италијанскиот тим, кој им даде совет да се фокусираат на тркање, а не на зборување.

„Во Ф1 имаме механичари кои си ја вршат работата, како во квалификациите, така и во боксот. Инженерите исто така, а автомобилот покажа одредени подобри перформанси. Останатото не го исполни очекувањето. Луис и Шарл треба да се фокусираат на возењето и помалку да зборуваат“, кажа претседателот на тимот.