Поранешен шампион во Ф1 ќе вози во Наскар

10 март 2023 - 16:19

Поранешниот светски шампион во Формула 1, Џенсон Батон ќе вози на три трки во Наскар. Првата трка е закажана на 26 март во Остин, по што ќе настапи на 2 јули во Чикаго и на 13 август во Индијанаполис.

По повлекувањето од Ф1, возеше спортски автомобили во класата ГТ500 на јапонската Супер ГТ-серија, каде што го освои првенството во 2017 година.

„Секој пат кога поранешен возач на Ф1 ќе влезе во ваков автомобил, се мачи и им треба време. Затоа и не очекувам дека веднаш ќе бидам на врвот“, кажа 43-годишниот Англичанец.