Незапирливиот Мартин освои пол-позиција во Ле Ман (ВИДЕО)

11 мај 2024 - 11:52

Возачот на Прамак Дукати, Хорхе Мартин ја освои пол-позицијата за Големата награда на Франција, откако беше побрз од конкурентите во квалификациите.

Шпанецот до стартната позиција стигна со време од 1:29.919, и покрај падот во финишот на квалификациите, а најблиску до него беше Франческо Бањаја, додека трет беше Маверик Вињалес.

Покрај падовите во финишот и неверојатниот Мартин, квалификациите ги одбележа и раната елиминација на осумкратниот светски шампион Марк Маркез, кој ќе тргне од 13. место.

Спринтот во Ле Ман се вози од 15 часот, додека главната трка е закажана за недела од 14 часот.