Хамилтон не заборава што му се случи во 2021: Ме ограбија во Абу Даби!

Тогаш Мерцедес во последниот круг ја загуби титулата откако беше престигнат од Макс Ферстапен по контроверзната одлука на тогашниот директор на ФИА, Мајкл Маси да ја пушти трката и да дозволи Макс да ги помине возилата кои доцнеа за цел круг. 

Холанѓанецот ја искористи ситуацијата и на нови гуми го помина Хамилтон. Од тогаш почна неговата доминација која трае и денес.

„Дали сум ограбен? Јасно е дека сум. Сите знаете што се случи. Ми помогна тоа што мојот татко беше со мене во тој момент кој ми рече дека морам да одам со крената глава и покрај сѐ“, рече Хамилтон.

„Му честитав на Макс, знаев дека сите гледаат во мене. И понатаму чувствувам болка кога ќе ја видам таа трка, но можам да се носам со тоа“.