Фетел си оди од Ф1, ама најави дека – може ќе се врати

13 ноември 2022 - 12:36

Поранешниот четирикратен светски првак во Формула 1, Себастијан Фетел денеска на Интерлагос ќе го вози претпоследното гранпри во кариерата, а идниот викенд во Абу Даби ќе стави точка со повлекувањето од „октанскиот циркус“, ама најави дека можно е – пак да се врати.

Фетел освои четири титули во периодот од 2010 до 2013 година, по што премина во Ферари, а од лани беше член на Астон Мартин и после завршување на сезонава си заминува од Ф1. Но, иако за многумина тоа значи крај на кариерата, Германецот не ја отфрли можноста за камбек.

„Мислам дека од оној момент кога се откажуваш, навистина се откажуваш, ама ништо не може да се исклучи, како ни тоа дека може(би) ќе се вратам пак во Ф1. Денеска не може да кажам категорично НЕ, ама можеби за една, две или три години ќе размислувам поинаку Времето ќе покаже“, рече Фетел.

Фетел сезонава освои 36 бода и е на 11-то место во генералниот пласман.