Драма во Австралија: Маркез со спринт-победа го презеде врвот во Мото ГП – Мартин излета!

Седумкратниот светски шампион стартуваше од пол-позицијата на 4,48-километарската патека „Филип Ајланд“ и во возбудлива трка успеа да го искористи големиот кикс на својот главен конкурент за титулата, Хорхе Мартин од тимот на Априлија. Со овој триумф во 18-тата рунда од првенството, Маркез сега има 365 бодови, десет повеќе од второпласираниот Мартин.

Трката ја одбележа жестоката битка меѓу двајцата шпански возачи, откако Мартин имаше одличен старт и веднаш ги претекна Алекс Маркез и Јоан Зарко. Возачот на Априлија дури во неколку наврати успеваше да избие на првата позиција, но Марк Маркез експресно си го враќаше водството. Оваа директна пресметка за победата доби свој епилог во осмиот од вкупно 13 кругови, кога моторот на Мартин неочекувано излизга, по што тој доживеа пад и остана без пласман на овој спринт.

По неговата елиминација, второто место му припадна на братот на Марк, Алекс Маркез од редовите на Гресини Рејсинг, кој низ целта мина со само 0,323 секунди заостанување зад победникот. Подиумот го надополни италијанскиот претставник Фабио ди Џанантонио со мотор на Пертамина Ендуро, кој заврши како трет со 0,590 секунди послабо време од лидерот.

По завршувањето на спринтот, сите погледи се насочени кон главната трка закажана за раните утрински часови во недела, која ќе се вози во должина од 27 кругови.

ФОТО: Х / @MotoGP