Бецеки најдобар во спринтот, нов катастрофален настап за Бањаја!

Италијанецот, кој стартуваше од втората позиција зад Фабио Квартараро, успеа со прецизно возење и одлична стратегија да се избори за убедлива победа. На второто место се пласираше Раул Фернандез од Трекхаус Рејсинг, додека третото место на подиумот му припадна на младиот Педро Акоста со својот КТМ. Првопласираниот во квалификациите, Квартараро, не успеа да го одржи темпото и трката ја заврши како седмопласиран, веднаш зад Алекс Маркез.

Актуелниот шампион, Франческо Бањаја, доживеа нов неуспех, завршувајќи дури 19-ти со повеќе од половина минута заостанување зад победникот. Во меѓувреме, Марк Маркез, кој веќе обезбеди триумф оваа сезона во генерален пласман, го пропушта овој тркачки викенд поради операција, со што неговото враќање на патеката се очекува на наредната трка од Мото ГП шампионатот.

ФОТО: X / @result_race