Воткинс ја шокира Холандија: Англија ќе се бори за трофејот на ЕП!

10 јули 2024 - 22:55

Англиската фудбалска репрезентација славеше со пресврт (2-1) против Холандија во полуфиналето на Европското првенство (ЕП) и ќе се бори против Шпанија за трофејот на турнирот.

Чави Симонс постигна прекрасен гол во седмата минута, но радоста траеше само 11 минути бидејќи судијата Феликс Цвајер покажа на белата точка, по што Хари Кејн стрелаше за 1-1.

Во второто полувреме немаше многу шанси на двете страни, а Англија до поебда стигна дури во 91. минута кога Оли Воткинс ја затресе мрежата на Барт Вербруген.

Финалето на турнирот е закажано за 14 јули, недела, од 21 часот кога ќе се судрат Шпанија и Англија за врвот на Европа.