Во Италија по 26 години се повтори подвигот на браќата Инзаги

29 септември 2026 - 20:51

Победата на репрезентацијата на Италија против Турција (4-1) во Лигата на нации донесе несекојдневен историски момент за „Аѕурите“,  браќата Франческо Пио и Себастијано Еспозито го повториот подвигот на легендарните Филипо и Симоне Инзаги. 

Тие станаа првиот тандем на родени браќа кои заиграле заедно во синиот дрес уште од 2000 година. Влегувањето на браќата Еспозито на теренот во понеделникот во Бурса го означи почетокот на нова ера за италијанскиот фудбал, но и оживување на големата семејна традиција во националниот тим.

Себастијано Еспозито, 24-годишниот играч на Каљари, и неговиот три години помлад брат Франческо Пио, член на Интер, го повторија тоа што последен пат пред 26 години го направија Симоне и Филипо.  

Пред нив, дресот со националниот грб на Италија го делеа и други големи фудбалски династии, како што се легендарниот Франко Барези и неговиот брат Џузепе.

Себастијано Еспозито во понеделникот дебитираше за А-селекцијата на „Аѕурите“, додека за помладиот Франческо Пио тоа беше веќе 11-ти натпревар во националниот дрес, кој го одбележа со својот дури шести гол за Италија.

Браќата Еспозито ги запишаа своите имиња во историјата на италијанскиот фудбал, потврдувајќи дека талентот во нивното семејство има долга и блескава традиција. 

Интересно е што нивниот најстар брат, 25-годишниот Салваторе Еспозито, дебитираше за репрезентацијата уште во 2022 година против Англија, но никогаш потоа повторно не го облече националниот дрес. Салваторе моментално игра во Серија Б за некогаш големата Сампдорија.