Три од три за Чурлинов и Јагелонија, Челси го посрамоти тимот на Ноа

07 ноември 2024 - 23:11

Дарко Чурлинов одигра 85 минути за Јагелонија која со убедливи 3-0 го совлада Молде и го забележа третиот триумф во Конференциската лига од исто толку натпревари, Челси со 8-0 беше подобар од Ноа.

Јагелонија ја продолжи фантастичната форма во Европа, Чурлинов беше стартер, но не беше меѓу стрелците во денешниот триумф од 3-0.

Ноа која ја елиминираше Шкендија на патот до Конференциската лига, доживеа пораз од 8-0 кај Челси.

Жоао Феликс и Нкунку дадоа по два гола, по еднаш погодија Гуиу, Дисаси, Адарабијо и Мудрик.

Фиорентина загуби на гостувањето кај АПОЕЛ со 2-1, со истиот резултат Бетис го совлада Целје.