Тодоровски: Реваншот ќе биде многу потежок, Лозана е одлична екипа

28 јули 2025 - 21:53

Вардар в четврток го очекува реваншот против Лозана во рамките од второто коло во квалификациите на Конференциската лига, црвено-црните во Швајцарија патуваат со предност од 2-1 по првиот натпревар, но свесни се дека нема да биде лесно.

Натпреварот го најави и фудбалерот од средниот ред Димитар Тодоровски кој очекува во реваншот Вардар да има потешк задача.

„Лозана покажа дека е одлична екипа, но ние направивме добра анализа и заслужено победивме на првиот натпревар. Сепак, според мене сега може да очекуваме многу потежок реванш“, изјави Тодоровски.

Добра вест за Вардар пред реваншот е враќањето на Горан Закариќ во тимот кој првиот натпревар го пропушти поради повреда. Средбата во Лозана е закажана за во терминот од 20:15 часот.