„Славев како Роналдо за да му покажам на Реал Мадрид што му недостига“

03 октомври 2019 - 09:40

Нигерискиот фудбалер на белгиски Бриж, Емануел Денис завчера беше главна вест во Лигата на шампионите откако со два гола го расплака „Сантјаго Бернабеу“, а Реал Мадрид успеа да се спаси од пораз и да освои бод во пресметката.

Но, Денис освен со двата гола исплива во фокусот и со начинот на прослава – како Кристијано Роналдо. Роналдо ланското лето си замина од Реал во Јувентус, а очигледно Португалецот му е идол, но и Реал Мадрид омилен клуб. Зашто ја одбрал таа прослава, посочил едноставно.

„Прославата беше зашто го сакам Роналдо, тој ми е омилен фудбалер и не сум задоволен што си замина од Реал. Така го прославив голот, на негов начин, за да му покажам на Реал Мадрид што му недостига“, рекол Денис.