Шоу на Нејмар во Париз: ПСЖ ја прегази Црвена Звезда (ВИДЕО)

03 октомври 2018 - 20:52

ПСЖ вечерва одигра фантастичен натпревар и ја прегази Црвена Звезда на „Паркот на принцовите“ со 6-1 во второто коло од групната фаза во Лигата на шампиони,.

Српската екипа одлично се бранеше 20 минути, но потоа на сцена настапи Нејмар, кој постигна одличен погодок од слободен удар за 1-0, а две минути подоцна стрелаше уште еднаш за водство од 2-0.

До крајот на полувремето Парижаните успеаа да постигнат уште два гола, преку Едисон Кавани и Анхел Ди Марија за предност од 4-0 по првите 45 минути.

Во вториот дел, Ц. Звезда почна со две измени, но ниту тие не им помогнаа многу бидејќи Килијан Мбапе во 70. минута беше прецизен за 5-0, а четири минути подоцна Марко Марин намали на 5-1.

Сепак, со уште една мајсторија Нејмар во 81. минута го постигна својот хет-трик и ги постави конечните 6-1. 

По две одиграни кола, ПСЖ има три освоени бодови, додека Црвена Звезда има само еден бод.


Од друга страна, на вториот натпревар кој се играше во истиот термин, Шалке успеа да триумфира во Москва против Локомотива со 0-1.